“رضا” بحكيلي ياخي بينفعــِش ْ
لو طاوعنا كلامـَك .. فوضى
زي ما الراعي بيهش عالغنم
لازم كل العالم ترضى
زلمة.. دولة.. شرع.. غوستابو
بس بند “السـّـلطات” ما يفضى
لازم واحدِ يْقوللك سوّي
أو يا مسخّم ما تسوّيش
وأ ُخرى بــَقوللك : زي الغنم
من غير الراعي بنمشيش
بـَس ِّ أ ْسود بْـنــِفدي الراعي
مع انه ……… حشيشنا الحشيش
لازم راعي لـيــِضمن انه
بس ” المربرب ” منا يعيش
*
*
*
رضا يا “مرستق” هاتلي حلالـَـك
وخلــْـنا نفلــّت هالغنمات
اذا هاجمهم ذيب ف غابه…
و بدل عْلافــَـك سكروا ب”قات”
أشرفْ ما تحلبهم يـَومي
للجبنات وللزبدات
وبالآخر تذبحهم فجأة
طبعاً أشرف … للغنمات !
انت مفكر بلا ســُـلــُطات
رح بنصير زي الســَّـلــَطات
مشكلتك حاسبنا غنم
خايف نفلت .. بس هيهات
انت عيارك إذا مشدود
احنا يا سيدي بلا عيارات
يرضى عليك تفكر .. ولا
محوّش عقلك للأزمات!
لا تخلي علفهم المعفن
يضرب عندك الفيوزات
.
.
ومش رح العن عرضيات !!
.
.
.
محمد عبد القادر الفار
